İdman.biz
"Sabah yaxşı komanda ilə üz-üzə gələcəyik".
İdman.biz xəbər verir ki, bunu Azərbaycan millisinin kapitanı Emin Mahmudov İsveç yığmasına qarşı keçirəcəkləri Millətlər Liqasının oyunundan öncə baş tutan mətbuat konfransında deyib.
O bildirib ki, yaxşı oyun göstərməlidirlər: "Əlimizdən gələni edəcəyik. Uğurlu nəticə qazanmaq istəyirik".
- Yeni baş məşqçi gəlib. Uyğunlaşa bilirsiz?
- Vaxtımız çox az idi. Normal bir məşq keçirdik. Biz onun fəlsəfəsini yavaş-yavaş öyrənirik.
- Klubda da Eminlə bağlı vəziyyət yaxşı deyil. Bəs milliyə bunu necə yansıdırsan?
- Mən heç vaxt millini kluba qatmamışam. Çalışıram ayrı-ayrı yanaşım. Bura gələndə əsas işim sırf öz millimiz üçün çalışmaqdır.
- Rəqib barədə nə düşünürsən?
- Çalışacayıq öz futbolumuzu oynayaq. Bunun üçün hər şey edəcəyik.
- Bir gün ərzində Santuşun nə istədiyini bildiz?
- Biz bunu bir günə bilə bilmərik. Topla oynamağa çalışacağıq.
Banuçiçək Hüseynli
İdman.biz
