Report.az
"Neftçi" kimi komandada 200 oyun keçirmək qürurverici hissdir.
Bunu "Report"a açıqlamasında "Neftçi"nin futbolçusu Emin Mahmudov deyib.
32 yaşlı yarımmüdafiəçi klub tarixində 200 oyun həddinə çatan ilk futbolçu olmasını şərh edib:
"Mənim üçün çox xoş oldu. Əlbəttə, bu rəqəmə "Neftçi" kimi komandada çatmaq qürurverici hissdir. Amma "Kəpəz"ə uduzduğumuza görə heç sevinə bilmədim".
Qeyd edək ki, E.Mahmudov "Neftçi"də 200 oyun keçirən ilk futbolçu olub. Bu, Misli Premyer Liqasının XXV turunda, "Kəpəz"lə səfər oyununda (0:1) reallaşıb.
