Idman.biz
Biabırçı nəticə idi. Oyunuz çox biabırçı alındı.
İdman.biz Reykyavikdən xəbər verir ki, bu sözləri İslandiyaya 5:0 hesablı məğlubiyyətdən sonra Azərbaycan millisinin kapitanı Emin Mahmudov deyib.
"Biz belə gözləmirdik. Fikirləşirdik daha yaxşı oynaya bilərik. Heç nə demək olmur. Çox pis oynadıq. Heç nə də alınmadı. Nə topla, nə topsuz. Sadəcə bizdən nəsə gözləyən azarkeşlərimizdən üzr istəyirəm", - Mahmudov bildirib.
Kapitan birinci özündən danışmalı olduğunu vurğulayıb: Hheç nə alınmadı. Nə top saxlaya bildik, nə top ala bildik. Əlbəttə hamı günahkardır. Meydançada biz oynayırıq. Məsuliyyəti heç kimin üzərinə atmaq istəmirəm. Oyunçu olaraq deyə bilmərəm ki, ən yaxşı oyunumu göstərdim, amma düz getmədi. Bu nəticədə hamı, oyunçular da, məşqçilər də günahkardır. Hamı utanır, hamı bilir ki, nəticə çox pisdir. Hamı istəyirdi ki, daha yaxşı olsun. Uşaqlar istəyirdi ki, nəticə yaxşı olsun ki, azarkeşləri sevindirək, amma belə oldu".
Mahmudov baş məşqçi Fernando Santuşun istefası məsələsinə də münasibət bildirib: "Onu vaxt göstərəcək. Bilmirəm necə olacaq".
Millinin kapitanı qarşıdakı Ukrayna ilə oyuna motivasiya olunmaqdan da söz açıb: "Belə nəticədən sonra digər oyuna hazırlaşmaq çox çətindir, amma yenə də çıxmalıyıq. Mütləq bundan yaxşı oynamalıyıq. Başqa yolumuz yoxdur, çünki belə biabırçılıq bir də təkrar olunmalı deyil".
İdman.biz
