Sport24.az
"Qarabağ"dan qələbə gözləyirik. İnanırıq bu mərhələdə qalib gəlib, Çempionlar Liqasının əsas mərhələsinə vəsiqə qazanacaq". Bu sözləri Sport24.az saytına açıqlamasında Emin İmaməliyev deyib.
Veteran futbolçusu "köhlən atlar"ın bugünkü matçı ilə bağlı fikirlərini bölüşüb:
"Nəticə həmişə önəmlidir. Əlbəttə ki, qələbə daha sevindiricidir, amma ən pis halda heç-heçə ilə qayıtsalar, mərhələ keçmək şansları daha çoxalır. Məncə, bu gün "Qarabağ" heç-heçə yox, qalib gələcək və mərhələ keçmək məsələsini 50-60 faiz həll edəcək. Zəif rəqib anlayışı yoxdur. Futbol elə bir səviyyədədir ki, demək olar, hamı futbol oynamağı bacarır. "Ferentsvaroş" çətin rəqibdir, amma "Qarabağ"ın təcrübəsi var. Maraqlı oyun olacaq. Hiss edirəm ki, təmsilçimiz vətənə qalibiyyətlə dönəcək. Ağdamlılar bundan da səviyyəli rəqiblərlə oynayıb, özünü yaxşı tərəfdən göstərməyi bacarıb".
Qeyd edək ki, bu gün keçiriləcək "Ferentsvaroş" - "Qarabağ" oyunu Bakı vaxtı ilə saat 23:00-da start götürəcək. Komandalar arasında cavab matçı avqustun 27-də Tofiq Bəhramov adına Respublika stadionunda baş tutacaq. Qalib tərəf UEFA Çempionlar Liqasının, məğlub olan isə Avropa Liqasının əsas mərhələsinə qatılacaq.
