Sport24.az
"MOİK-lə oyun çətin səfərlərdən biri idi. Bu qarşılaşmaya ciddi hazırlaşmışdıq. İlk dəqiqələr çətin keçsə də, sonradan vurduğumuz qol sayəsində üstünlüyü tam ələ aldıq. Xoşbəxtəm ki, bu matçda 3 xal qazandıq". Bu sözləri Sport24.az-a açıqlamasında "Qəbələ"nin futbolçu Şahin Şahniyarov I Liqanın 15-ci turunda keçirilən MOİK-lə oyun barədə danışarkən deyib.
Futbolçu turnir cədvəlinin zirvəsində qərarlaşmalarına münasibət bildirib:
"Turnir cədvəlində ikinci yerdə olan "Karvan"la aramızda fərqin 9 xal olması bizi rahatlaşdırmır. Hər oyuna 3 xal üçün çıxırıq. Hələ qarşıda 12 tur var. İndidən çempionluq və Premyer Liqaya qayıtmaq haqda danışmaq tezdir".
Gənc futbolçu növbəti turda qarşılaşacaqları "Karvan"la görüş barədə də danışıb:
"Bizi şətin oyun gözləyir. Komanda olaraq bu matça köklənmişik. Öz azarkeşlərimizin qarşısında yaxşı oyun göstərib qələbə qazanmaq istəyirik".
Qeyd edək ki, "Qəbələ" Birinci Liqada 15 turdan sonra 39 xalla liderdir.
