Sport24.az
FİFA-nın Avropa Milli Assosiasiyaları Departamentinin direktoru Elxan Məmmədov Rusiyanın beynəlxalq qadağasından danışıb. Sport24.az "Sport-Express"-ə istinadən xəbər verir ki, Məmmədov Rusiyanın dünya futbol səhnəsinə qayıtmasını gözlədiklərini bildirib:
"Futbol federasiyasının rəhbəri həmişə bütün futbol ailəsinə ən səmimi salamlarını çatdırır. Təbii ki, biz Rusiyanın dünya futbol səhnəsinə qayıtmasını gözləyirik".
Qeyd edək ki, Rusiya milli komandaları və klubları 2022-ci ilin fevralından beynəlxalq turnirlərdə iştirakdan kənarlaşdırılıb. Buna görə yığma komanda yalnız yoldaşlıq oyunları keçirə bilər. Valeri Karpinin yetirmələri son yoldaşlıq görüşündə Suriya yığmasını 4:0 hesabı ilə məğlub edib.
