İdman.biz
"Sabah" məğlub olsa da, şansını itirməyib".
Bunu İdman.bizə Azərbaycanın U-18 millisinin baş məşqçisi Elxan Abdullayev deyib.
O, "Sabah"ın Konfrans Liqasının III təsnifat mərhələsində "Sent Patriks" (0:1) qarşılaşmasını dəyərləndirib. Məmmədov bildirib ki, Azərbaycan təmsilçisi irlandlardan evdə revanş ala biləcək: "Bu hələ son deyil. Minimal hesabla uduzmuşuq. Yolun uzaq olması, əlavə yorğunluq, azarkeş dəstəyinin olmaması və s. digər faktorlar oyuna birbaşa təsir edir. "Sabah"ın müdafiə xəttində bir çox problemlər var. Lakin bunu aradan qaldıracaqlarını düşünürəm. Komandaya dəstək olub, pozitiv düşünmək lazımdır. Hər şeyi Bakıdakı matç həll edəcək".
Qeyd edək ki, komandalar arasında cavab görüşü avqustun 15-də baş tutacaq.
Banuçiçək Hüseynli
İdman.biz
