Sport24.az
"Qarabağ"ın dünənki oyununu barədə yalnız bir sözlə ifadə etmək olar – məhtəşəm. Qurban Qurbanov və komandası ötən gecə bir daha Avropanı sirkələdi". Bu sözləri Sport24.az-a açıqlamasında Elxan Abdullayev deyib.
Təcrübəli mütəxəssis Bolqarıstan zəfərindən sonra kollektivdə özünəinamın artacağını, Zaqreb "Dinamo"su ilə oyundan əvvəl düşərgədə ruh yüksəliyi yaşayacağını da vurğulayıb: "Bu matç bir daha göstərir ki, komandada nizam-intizam, xarakter, əzmkarlıq varsa, istənilən rəqibə qarşı oynamaq və ona qalib gəlmək olar. Düşünürəm ki, "Ludoqorets" səfərindəki zəfərdən sonra futbolçularda özünəinam artacaq, əhval-ruhiyyə yüksələcək. Komanda "Dinamo" ilə oyuna ruh yüksəliyi ilə çıxacaq ki, bu da vacib amildi".
Qeyd edək ki, "Qarabağ"la "Dinamo" arasında qarşılaşmalar avqustun 20-si və 27-də baş tutacaq. İlk görüş Xorvatiyada keçiriləcək.
