Sport24.az
"Derbidə hər şey ola bilər". Bu sözləri Sport24.az-a U-19-un baş məşqçisi Elxan Abdullayev deyib.
Təcrübəli mütəıxəssis həftəsonu keçiriləcək "Qarabağ" - "Neftçi" oyunundan gözləntilərini açıqlayıb:
"Düzdür, bu gün üçün "Qarabağ" "Neftçi"dən qat-qat üstündür. Buna görə də həm çempionatın lideridir, həm də həftəsonu baş tutacaq oyunun aşkar favoriti. "Neftçi" rəhbərliyi və məşqçilər korpusu üçün əsas məsələ qarşıdakı kubok görüşündən qalib ayrılmaqdır. Bu üzdən ağdamlılarla matçda paytaxt klubunun məşqçilər korpusu riskə getməyə bilər. Kubokun yarımfinalının cavab qarşılaşmasını nəzərə alıb heyətin əsas üzvlərinin bəzilərini qoruya da bilərlər".
Qeyd edək ki, "Qarabağ" - "Neftçi" oyunu aprelin 19-u, saat 20:00-da başlayacaq.
