Sport24.az
"Şamaxı" ilə oyunda pis mübarizə aparmadıq. İlk hissənin sonlarına, daha dəqiq desəm, birinci qola qədər rəqibə şans vermirdik. Bizim qol epizodundan yararlanmamağımızın da təsiri oldu". Bu sözləri Sport24.az "Karvan-Yevlax"ın kapitanı Elvin Yunuszadə deyib.
Təcrübəli müdafiəçi Premyer Liqanın IV turunda "Şamaxı"ya məğlub olduqları oyunla bağlı fikirlərini bölüşüb:
"Bundan sonra oyun tam çevrildi, künc zərbəsindən qol oldu. İkinci hissədə hesabı bərabərləşdirməyə çalışsaq da, təəssüf ki, olmadı. Futboldur, qələbə də olacaq, məğlubiyyət də. Bu matçı yaddan çıxarmaq lazımdır. Səhvlərdən nəticə çıxarmalıyıq. Uduzanda ruh düşkünlüyü olur. Çalışacağıq ki, özümüz özümüzü motivasiya edək. Çempionat bir oyunla bitmir, hər həftə matç var. Bir məğlubiyyətə görə ruhdan düşsək, bizim üçün çətin olar".
Qeyd edək ki, 4 turdan sonra aktivində 4 xal olan "Karvan-Yevlax" turnir cədvəlində 9-cü pillədə qərarlaşıb.
