Sport24.az
Misli Premyer Liqasının XXIX turunda keçirilən "Səbail" – "Turan Tovuz" (0:0) matçından sonra meydan sahibi komandanın baş məşqçisi Elvin Məmmədov jurnalistlərin suallarını cavablandırdı. Sport24.az xəbər verir ki, mütəxəssis əvvəlcə oyunla bağlı fikirlərini bölüşdü:
– Çempionatın ən ağır komandasına, həm də təcrübəli məşqçisinə qarşı oynadıq. Uşaqları təbrik edirəm. Yaxşı mübarizə apardılar.
– Bu nəticəni qələbəyə bərabər sayırsız?
– Hər qazanılan xal bizim üçün nəticədir. "Turan Tovuz" kimi komamdaya qarşı 1 xal yaxşıdır.
– Süleyman Alluşla bağlı qərarı necə qarşıladız?
– İstəyərdik ki, bağışlanma olsun, amma olmadı. Bir oyunu qalıb. Komandamızın üzvüdür. Yenidən onu meydanda görəcəyik.
– Komandaya yeni qoşulanlar olacaq?
– Xeyr. Sadəcə zədəlilərimiz var. Xüsusən, Ayman.
– Siz gəldikdən sonra Mərt Çelik mərkəzdə çıxış edir. Bu addım nəyə əsaslanıb?
– Mərt individual futbolçudur. Hara qoysaq, effekt verir.
– Sanki meydana 1 xal üçün çıxmışdız…
– O, sizin düşüncənizdir. Biz oyuna 3 xal üçün çıxmışdır. "Turan Tovuz" çox möhkəm komandadır. Uduzmadıqsa, yaxşı nəticədir.
