Idman.biz
Cari mövsümün sonunda Premyer Liqa ilə vidalaşacağı dəqiqləşən "Səbail" artıq yeni mövsümün planlarını cızır.
İdman.biz Futbolxeber.az-a istinadən xəbər verir ki, tezliklə klub rəhbərliyi ilə əsas sponsor olan ASCO arasında görüş olacaq.
Məhz həmin görüşdə bir çox suallara aydınlıq gələcək. ASCO tərəfindən yeni mövsüm üçün kluba büdcə ayrılsa, "Səbail" gələn il I Liqada çempionluq uğrunda mübarizə aparacaq.
İstənilən halda klub rəhbərliyi artıq yeni mövsüm üçün çalışmalara başlayıb. Baş məşqçi Elvin Məmmədovla razılıq əldə olunub və o, qarşıdakı mövsümdə də "Səbail"i çalışdıracaq. Mövsüm başa çatdıqdan sonra sözləşmə rəsmiləşdiriləcək.
İdman.biz
