Idman.biz
"Oyuna tam ciddi hazırlaşmışdıq. Bizi nəyin gözlədiyini yaxşı bilirdik".
İdman.biz xəbər verir ki, bunu "Səbail"in məşqçisi Elvin Məmmədov "Sabah"la matçdan sonra keçirilən mətbuat konfrnasında keçirilən mətbuat konfransında deyib.
O, Misli Premyer Liqasının 31-ci turunda səfərdə qeydə alınan 2:3 hesablı məğlubiyyəti şərh edib: "Futbolçular çox yaxşı mübarizə apardı. Matçın sonlarında bir az yorğunçuluq baş verdi. Rəqibin də təzyiqi var idi, üstümüzə daha çox gəlirdilər. Yaxşı futbol oynadıq. Bu gün bizə nəsib deyilsə, demək ki, qarşıdakı matçlara baxmaq lazımdır. Burada "Sabah"ı qeyd etmək lazımdır. Bu klubun futbolçuları fərdi olaraq keyfiyyətlidirlər. Onlar üstümüzə bir az da çox gəlməyə başladı. Həm konsentrasiya, həm də fiziki güc çatmadı. Ən vacibi də konsentrasiyanın itməsi idi".
Qeyd edək ki, "Səbail" 20 xalla turnir cədvəlinin sonuncu pilləsində qərarlaşıb.
İdman.biz
