Idman.biz
"Hazırda oyunun keçiriləcəyi "Rekord Arena"dayıq. Matçın başlamasına da 1 saat qalıb. Start fitinə qədər borclu olduqları məbləği ödəməsələr, oyuna çıxmayacağıq".
Bunu ikinci Liqanın 14-cü turu çərçivəsində bu gün lider "Xankəndi" ilə qarşılaşmalı olan "Şəki"nin baş məşqçisi Elvin Həsənov deyib.
3 aydır maaş üzünə həsrət qalan, ötən tur "Qaradağ Lökbatan"la görüşdə mübarizə aparmaqdan imtina edərək texniki məğlubiyyət alan bölgə təmsilçisinin çalışdırıcısı son ana qədər gözləyəcəklərini bildirib:
"Dünən yenə toplantı oldu. Söz verdilər ki, oyun saatına qədər texniki heyətə ödəməli olduqları pulu verəcəklər. Verməsələr, komanda oynamayacaq. Deyiblər ki, stadiona gəlin, biz də gəlmişik", - deyə o, fanat.az-a açıqlamasında deyib.
Xatırladaq ki, "Şəki" bu matça da çıxmasa qaydalara əsasən, çempionatdan kənarlaşdırılmalıdır.
