Idman.biz
"Neftçi"nin yarımmüdafiəçisi Elvin Cəmalov Misli Premyer Liqasının 11-ci turunda "Qarabağ"la keçiriləcək oyun öncəsi fikirlərini bölüşüb.
İdman.Biz xəbər verir ki, futbolçunun sözlərinə görə, qarşıdakı görüş xüsusi atmosferdə baş tutacaq və turun ən maraqlı oyunlarından biri olacaq:
"Ölkənin iki aparıcı klubunun dueli həm futbolçular, həm də azarkeşlər arasında böyük maraq doğurur. Düşünürəm ki, "Qarabağ"la oyun gərgin və maraqlı keçəcək. Komandalar arasında olduğu kimi, azarkeşlər arasında da rəqabət var. "Qarabağ"ın keyfiyyətli futbolçulardan ibarət iki heyəti var. Bizi çətin və bərabər oyun gözləyir. Qələbə qazanmaq üçün əlimizdən gələni edəcəyik".
Futbolçu həmçinin "Neftçi"nin hazırkı qələbə seriyasının vacibliyini vurğulayıb. Onun sözlərinə görə, mövsümün əvvəlindəki heç-heçələrdən sonra ardıcıl iki qələbə komandaya inam qazandırıb və çətin dövrdən çıxmağa kömək edib.
Qeyd edək ki, "Neftçi" - "Qarabağ" matçı noyabrın 9-da keçiriləcək.
