Sport24.az
"Qarabağ"ın futbolçusu Elvin Cəfərquliyev Sport24.az-a müsahibəı verib. "Neftçi" ilə oyun barədə fikirlərini bölüşən müdafiəçi, bizi maraqlandıran başqa sualları da cavablandırıb.
- Öncə "Neftçi"ni məğlub etdiyiniz oyunla bağlı fikirlərin maraqlıdı...
- "Neftçi" ilə oyunlarımız həmişə gərgin və maraqlı keçib. Bu gün bol qollu matç alındı. Qələbəyə layiq idik və sevinirəm ki, sonda 3 xalı qazanan biz olduq.
- Çoxları artıq "Qarabağ"ın tam relsə düşdüyünü və inamlı addımlarla çempionluğa doğru irəlilədiyini düşünür. Sən bu barədə nə fikirləşirsən?
- Hər oyuna ciddi hazırlaşır, meydanda konsentrasiyanı itirməməyə çalışırıq. Hər bir qələbə bizə baha başa gəlir. Bu il çempionat daha çətin keçəcək. "Zirə" ilə "Turan Tovuz" mövsümə çox yaxşı başlayıb, digər komandalar da maksimum nəticə qazanmağa kökləniblər. Odur ki, çempionluq haqqında indidən danışmaq tezdir. İrəlidə bizi ağır yol, uzun marafon gözləyir.
- Öz oyunun barədə nə deyərdin?
- Formada qalmağım üçün maksimum çalışıram. Amma nə qədər artırdığımı məşqçilər korpusumuz deyə bilər.
- Vaxtilə avrokuboklarda "Tottenhem", "Çelsi", "Arsenal"a qarşı oyunlarınız olub. Gələn həftə Avropa Liqası çərçivəsində səfərdə "Tottenhem"ə qarşı çıxış edəcəksiz. Nəyə ümid edirsiz?
- Bizi qarşıda çox çətin oyun gözləyir. Biz bir çox güclü komandalara qarşı oynamışıq. Məğlub olduğumuz matçlar da olub, yenildiyimiz də. Qitəmiqyaslı tunirlərdə yetərincə təcrübəmiz var. Odur ki, İngiltərədə əlimizdən gələnin ən yaxşısını etməyə çalışacağıq ki, uğur qazanaq.
ABDULLA İSMAYILOĞLU
