Sport24.az
Azərbaycan millisinin futbolçusu Elvin Cəfərquliyev Haiti və Belarus yığmalarına qarşı keçirəcəkləri yoldaşlıq oyunları ilə bağlı fikirlərini bölüşüb. 24 yaşlı cinah müdafiəçisi bu barədə Sport24.az-a açıqlama verib.
Cəfərquliyev yoxlama oyunu olmasına baxmayaraq qalib gəlmək istədiklərini bildirib:
"Hər iki oyunda qələbə qazanmaq istəyirik. Meydana da məhz bunun üçün çıxacağıq. Belarusla son olaraq üç il əvvəl üz-üzə gəlmişik. Haiti barədə hələlik bir məlumatım yoxdur. Yığma ilə təlim-məşq toplanışına başlayanda rəqibləri ətraflı analiz edəcəyik".
Qeyd edək ki, Azərbaycan millisi martın 22-də Haitini, 3 gün sonra Belarus seçməsini qəbul edəcək. Matçlar müvafiq olaraq Mehdi Hüseynzadə adına Sumqayıt şəhər stadionda və "Bank Respublika Arena"da keçiriləcək.
