Idman.biz
"Çox xoşbəxtəm".
İdman.biz AZƏRTAC-a istinadən xəbər verir ki, bu sözləri "Qarabağ"ın futbolçusu Elvin Cəfərquliyev UEFA Çempionlar Liqasının əsas mərhələsinə yüksəlmələri barədə danışarkən deyib.
O, ilk dəfə Çempionlar Liqasının əsas mərhələsində oynayacağını vurğulayıb: "Bundan əvvəl Avropa Liqasının 1/8 final mərhələsində oynamışdım. Azarkeşlərə təşəkkür edirəm. Onlar möhtəşəm idi. Rəqib üçüncü qolu vuranda riskli idi. Çünki daha bir top buraxsaydıq, matç əlavə vaxta gedəcəkdi".
Cəfərquliyev Çempionlar Liqasının Liqa mərhələsində İspaniya nəhəngi "Barselona" ilə qarşılaşmaq istədiyini açıqlayıb.
İdman.biz
