Sport24.az
"Matçın gərgin keçəcəyini bilirdik". Sport24.az xəbər verir ki, bu sözləri "Neftçi"nin futbolçusu Elvin Camalov deyib.
30 yaşlı yarımmüdafiəçi səfərdə "Səbail"ə 2:1 hesabı ilə qalib gəldikləri Misli Premyer Liqasının XXVII turunun oyunu ilə bağlı fikirlərini bölüşüb:
"Səfərdə oynayırdıq və süni ot örtüyünü də nəzərə almalıyıqdıq. Bütün rəqiblər kimi "Səbail"in də bizimlə görüşə ciddi şəkildə hazırlaşdığını bilirdik. Biz də bu görüşə yaxşı hazırlaşmışdıq. İki qol vurduq. Sonra isə qapımızda qol gördük. İkinci hissənin çətin keçəcəyini anlayırdıq. Amma sonadək mübarizə apardıq və qələbə qazandıq. Bizə dəstək olan hər kəsə, azarkeşlərə təşəkkür edirəm. Bu hamımızın qalibiyyətidir".
Camalov "ağ-qaralar"da ilk qolunu vurması ilə bağlı da danışıb:
"Çox gözəl hisslərdir. Mövqeyim elədir ki, çox gec qollar vururam. Amma "Neftçi"yə gəldiyim vaxt azarkeşlər və komanda yoldaşlarım məni yaxşı qarşıladılar. Bu səbəbdən tez uyğunlaşa bildim. Bu gün qol vurmağım əlavə sevinc idi. İnanıram ki, qolların davamı da gələcək".
