Sport24.az
"Qarabağ"a qarşı matçlar həmişə çətin keçir. Bu dəfə də elə oldu". Sport24.az xəbər verir ki, bu sözləri "Neftçi"nin futbolçusu Elvin Camalov deyib.
Yarımmüdafiəçi "Qarabağ"a səfərdə 0:3 hesabı ilə uduzduqları Misli Premyer Liqasının 31-ci turunun oyunu ilə bağlı danışıb:
"Meydana qələbə qazanmaq əzmi ilə çıxmışdıq. Sadəcə alınmadı. Öz səhvlərimizdən erkən qollar buraxdıq. Sonda ikinci hisdədə toparlanmağa çalışdıq. Fürsətlərdən istifadə edə bilmədik. Matçın əvvəlində çətinliklər yaşadıq, toparlanmağa çalışdıq. İkinci hissədə fürsətlərdən yararlana bilmədik. Bunu etsəydik, fərqli hesab görə bilərdik".
Camalov hər görüşə ciddi hazırlaşdıqlarını vurğulayıb:
"Sadəcə, avrokuboklara bizim üçün ən real yol kubokdur. "Qarabağ"la matç azarkeşlərin gözlədiyi qarşılaşmadır. Onları sevindirə bilmədik. Kubok matçında onları sevindirməyə çalışacağıq".
