Sport24.az
Misli Premyer Liqasının 22-ci turunda "Sumqayıt" Şamaxı səfərindən əliboş dönüb. "Şirlərlə" oyundan sonra "kimyaçılar"ın təcrübəli müdafiəçisi Elvin Bədəlov Sport24.az-ın əməkdaşının suallarını cavablayıb.
- "Şamaxı"ya məğlub olduz. Oyunla bağlı fikilərini bölüşərdin...
- Nəsə demək çətindir. Oyun bizim nəzarətimiz altında idi. Qol imkanlarımız olsa da istifadə edə bilmədik. Ani diqqətsizlikdən qapımızda qol gördük. Bu matçı tez unutmaq lazımdır.
- Birinci hissədən sonra zədə səbəbindən meydanı tərk elədin. Durumun necədir?
- Təəssüf ki, əzələdə problem yarandı. İkinci hissədə komandama kömək edə bilmədim. Zədəmin nə dərəcədə ciddi olduğuna bu gün aydınlıq gələcək.
- Komandan artıq 6 oyundur Premyer liqada qol vura bilmir. Səbəbini nə ilə izah edə bilərsən?
- Səbəblər fərqlidi. Bəzi oyunlarda epizodlardan istifadə edə bilmədik, bəzilərində isə konsentrasiyasını itirdik. Daha çox çalışmalıyıq. Çünki hücumda yeni oyunçular var. Onlara bir az vaxt lazım olacaq.
- Çempionatda avrokubok zonasından uzaq düşmüsüz. Ancaq ölkə kubokunda mübarizəni davam etdirisiz. İlk görüşdə "Sabah"la qolsuz heç-heçə etdiz. Cavab qarşılaşmasından gözləntilərin?
- Gözləntim ancaq mərhələni keçməkdir. İnanıram buna nail olacayıq. Ciddi hazırlaşmalıyıq. Komandama güvənirəm.
Nuh Tarverdiyev
