Report.az
Elvin Bədəlov Azərbaycan çempionatlarının yüksək dəstəsində 200-cü oyununu keçirib.
"Report" Peşəkar Futbol Liqasının mətbuat xidmətinə istinadən xəbər verir ki, "Neftçi"nin müdafiəçisinin yubileyi Misli Premyer Liqasının X turuna təsadüf edib.
30 yaşlı futbolçu "Kəpəz"lə ev görüşündə (5:1) forma geyinib.
O, Premyer Liqadakı 200 matçda 3 qola imza atıb. Elvinin debütü 2013/2014 mövsümündə "Neftçi"nin heyətində gerçəkləşib. O, "ağ-qaralar"ın heyətində 51 (1 qol), "Sumqayıt"da 149 (2 qol) oyun keçirib.
Bədəlov turnirin tarixində 200 və daha çox matça çıxan 157-ci futbolçudur. O, buna cari mövsümdə nail olan ikinci oyunçudur.
Filip Ozobiç də "200"ü mövsümün gedişində arxada qoyub.
