Sport24.az
"Toplanışın ilk mərhələsini Sumqayıtda keçirdik. Daha çox fiziki hazırlığa yüklənmişdik. Hazırda isə daha çox taktiki tapşırıqlar üzərində çalışıb, yoxlama görüşlərində gücümüzü sınayırıq". Bu sözləri Sport24.az-a açıqlamasında "Sumqayıt"ın futbolçusu Elvin Bədəlov deyib.
Millinin də formasını geyinən müdafiəçi dünən keçirdikləri "Orenburqla oyun barədə də fikirlərini bölüşüb: "İlk yoxlama matçımızı keçirdik. Hiss olunur ki, hələ çatışmazlıq çoxdu. Rusiya klubu ilə qarşılaşmada özümüzü yaxşı tərəfdən göstərməyə çalışsaq da, məğlub olduq. Təbii ki, yoxlama oyunlarında əsas olan nəticə yox, hazırlıqdı. Düşünürəm ki, məşqdən-məşqə, oyundan-oyuna daha yaxşı formada olacağıq".
Qeyd edək ki, toplanışın ikinci mərhələsini Ankaranın Qızılcahamam bölgəsində keçirən "kimyaçılar" dünən ilk yoxlama oyununu keçirib. Samir Abasovun komandası "Orenburq"la matçda 1:2 hesabı ilə məğlub olub. Sumqayıtlıların yeganə qolunu Nihad Əhmədzadə vurub.
