Idman.biz
"Qəbələ"nin sabiq hücumçusu Elşad Tağıyev karyerasını "Baku Sportinq" klubunda davam etdirəcək. Forvardın paytaxt təmsilçisinə keçidi rəsmiləşib.
Bu barədə "Baku Sportinq"in məşqçisi Röyal Nəcəfov məlumat verib.
O, heyətdə bir sıra dəyişikliklərin edildiyini bildirib.
"Dörd-beş futbolçu ilə yollarımızı ayırmışıq. ‘Qəbələ"nin hücumçusu Elşad Tağıyevi heyətə cəlb etmişik", - deyə o, fanat.az-a açıqlamasında bildirib.
Qeyd edək ki, Elşad Tağıyev mövsümün geridə qalan hissəsində "qırmızı-qaralar"ın heyətində ümumilikdə 11 oyunda meydana çıxıb. Bu matçların doqquzu Premyer Liqa, ikisi isə Azərbaycan Kuboku çərçivəsində baş tutub. Baş məşqçi Kaxaber Tsxadadze futbolçuya cəmi 73 dəqiqə şans verib və Elşad Tağıyev bu görüşlərdə məhsuldar göstəricilərlə yadda qalmayıb.
