Idman.biz
"2024-cü ilin yekunları ilə bağlı Prezident İlham Əliyevlə görüşdə idman ictimaiyyətinə çağırış edilmişdi. Görkəmli idmançıların işğaldan azad olunmuş bölgələrə səfər etməsi istənildi. Həmin vaxt 10 mindən çox insan bu bölgəyə köçürülmüşdü, onlar üçün şərait yaradılmışdı. Belə görüşlər xüsusilə də, gənclər və uşaqlar üçün hədiyyədir".
İdman.biz xəbər verir ki, bunu Gənclər və İdman Nazirliyinin İdman şöbəsinin müdiri Elnur Məmmədov "Qarabağ" klubunun futbolçuları, məşqçi heyəti və rəsmilərinin işğaldan azad olunmuş bölgələrdə yerli sakinlərə görüşü zamanı jurnalistlərə açıqlamasında deyib.
O bildirib ki, Ağdam klubu tərəfindən cənab Prezidentin çağırışı dəstəklənib: "Gənclər və İdman Nazirliyi ilə birlikdə Qarabağ bölgəsinə səfər təşkil olunub. Şuşada, Xankəndidə, Ağdamda görüşlər oldu. Komanda ilə birlikdə təməli cənab Prezident tərəfindən qoyulan "İmarət" stadionunun ərazisində olduq. Hamımız birlikdə buradayıq. Sakinlərə sevinc və xoşbəxtlik bəxş etdik".
İdman.biz
