Sport24.az
21 yaşadək futbolçulardan ibarət Azərbaycan milli komandası Avropa çempionatının seçmə mərhələsinin 2-ci turu çərçivəsində Bakıda Bolqarıstanla 1:1 hesablı heç-heçə edib. Sport24.az xəbər verir ki, yığmamızın məşqçisi Elnur Çodarov matçdan sonra keçirilən mətbuat konfransında jurnalistlərin suallarını cavablandırıb:
- Oyunu ümumi olaraq yüksək qiymətləndirirəm. Çalışdıq ki, məşqdə etdiklərimizi həyata keçirək. Komanda sona qədər mübarizə apardı, döyüşdü. Meydana qələbə üçün çıxmışdıq. Ən azından 1 xal qazandıq.
- Ayxan Abbasovun yoxluğu komandada narahatlıq yaradırdı?
- Ayxan müəllimin yoxluğu yüz faiz özünü göstərir. Maksimum dərəcədə çalışdıq ki, bunu hiss etdirməyək.
- Baş məşqçi kimi çıxdığınız oyunda 1 xal qazandınız. Sizcə, necə nəticədir?
- Sırf öz adıma nəsə demək istəmirəm. Bu, bizim hamımızın xalıdır.
- Qrupdakı şanslarınızı necə qiymətləndirirsiniz?
- Bacardığımız qədər çox xal toplayacağıq. Əsas məqsədimiz odur ki, uşaqlar özlərinə inansınlar. Döyüşkən komanda yarada bilsək, inanıram yaxşı xallar yığacağıq.
