İdman.biz
Azərbaycan Premyer Liqasının IV turunun "Araz-Naxçıvan" - "Neftçi" oyununda baş verənlərin günahkarları cəzalandırılıb.
İdman.biz xəbər verir ki, AFFA-nın İntizam Komitəsi yaşananlara hüquqi qiymət verib.
"Araz-Naxçıvan" klubunun baş məşqçisi Elmar Baxşıyev matçın 90+5-ci dəqiqəsində rəqibi təhqir etdiyinə görə birbaşa qırmızı vərəqə alıb. O, 3 oyun şərti olmaqla 5 matçlıq cəzalanıb. "Araz-Naxçıvan" 4000 manat cərimələnib. Sınaq müddəti 3 ay təyin edilib.
Meydan sahiblərinin inzibatçısı Hüseynxəlil Orucoğlu rəqibi təhqir etdiyinə görə birbaşa qırmızı vərəqə aldıqdan sonra rəqib futbolçuya fiziki təzyiq göstərməyə cəhd edib. O, 2-si şərti olmaqla 5 oyun cəzalanıb, klub 4000 manat cərimələnib.
4 futbolçusu sarı vərəqə aldığına görə "Araz-Naxçıvan" 700 manat ödəyəcək. 6 futbolçusu sarı vərəqə alan "Neftçi" 700 manat ziyana düşüb. Bakı klubunun azarkeşləri tərəfindən rəqib futbolçuların ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə "Neftçi"yə xəbərdarlıq edilib.
İdman.biz
