Sport24.az
Misli Premyer Liqasının I turunun "Zirə" – "Araz-Naxçıvan" oyunundan (1:1) sonra qonaq komandanın baş məşqçisi Elmar Baxşıyev jurnalistlərin suallarını cavablandırıb. Sport24.az xəbər verir ki, mütəxəssis əvvəlcə görüşlə bağlı fikirlərini bölüşüb…
– Gərgin oyun alındı. Hər iki komanda meydançada yaxşı mübarizə apardı. Düşünürəm ki, bir xal da bizimçün xeyirlidir. Komanda olaraq düşünürəm ki, turlar keçdikcə daha da yaxşı, özgüvənli olacağıq.
– Oyun bitəndən sonra futbolçularınız aranızda qısa mübahisə oldu…
– Heç bir problem yoxdur.
– Avrokubok oyunundan sonra rəhbərliklə söhbət oldu?
– "Omoniya" ilə oyundan sonra rəhbərlik bizə təşəkkür etməməlidir, iradları normal qarşılamaq lazımdır. Komanda olaraq üzərimizə təzyiqlər olduğunu hiss etdik. Çalışdıq, alındıra bilmədik. Bunu da komandanın təcrübəsizliyi ilə əlaqələndirərdim. Minimum vəzifəni yerinə yetirdik. Bizimçün avrokuboklar bitib. Yaxşı təcrübə qazandıq. Belə məğlubiyyətlərə düzgün yanaşsaq, faydamıza olar. O ki qaldı mənimlə bağlı… Məşqçi işi daimi deyil. Nə vaxta kimi etibar etsələr, işimizin başında olacaq.
– Ağır məğlubiyyətlərdən sonra komandanı toparlamaq çətin olmadı?
– Hər məğlubiyyət komandaya təsir edir. Sevindirici məqamdır ki, komandam bərkdir, xarakterimiz var.
