Sport24.az
Cəza səbəbindən "Araz-Naxçıvan" - "Kəpəz" qarşılaşmasını trbunadan izləmək məcburiyyətində qalan Elmar Baxşıyev oyundan sonra Sport24.az-ın əməkdaşının suallarını cavablandırıb
- 90 dəqiqə boyunca çox gərgin görünürdüz. Qarşılaşmaının belə "ağır" keçəcəyini gözləyirdiz?
- Oyunun çətin keçəcəyi gözlənilən idi. Rəqib mövsüm başlayandan xal qazama bilmədiyi üçün meydanda maksimum aqressiya, istək nümayiş etdirəcəkdi. Ona görə də son dərəcə ehtiyatlı oyanıb uğur qazanmağa köklənmişdik. İlk yarıda yetirmələrim gözlədiyim oyunu sərgiləyə bilmədi. Ancaq fasilədən sonra toparlandıq və hücumlar təşkil etdik. Qol imkanlarımız olsa da, cəmi 1 dəfə rəqib qapıçını məyus edə bildik. İstənilən halda hakimin final fitindən sonra qələbə qazandığımıza və ardıcıl iki matçda qalib gəldiyimiziə görə sevinirəm.
- Azər Bağırov "Araz-Naxçıvan"ın sabiq baş məşqçisi idi...
- Azər müəllimə yeni işində uğurlar arzu edirəm. "Kəpəz"in "sükanı arxasında" kimin olması fərq etmir. Bizim üçün əsas olan 3 xal idi.
- Ardıcıl ikinci qələbə gələcək oyunlar üçün futbolçulara əlavə motivasiya mənbəyi ola bilər?
- Komanda turdan-tura oyun planında "artırır". Fikrimcə, heyəti bir qədər də gücləndirsək, istədiyimiz oyunu görə biləcəyik.
- Yeni transfer gözlənilir?
- Bəli, yaxın günlərdə yeni oyunçu da sıralarımıza qoşulacaq.
- Sirr deyilsə, hansı mövqeyi gücləndirirsiz?
- Orta sahə oyunçusudur. Həm "6 nömrə", həm də "8 nömrə" kimi çıxış edir.
ABDULLA İSMAYILOĞLU
