Idman.biz
"Potensial rəqiblərimizin hamısı güclü komandalar idi. Ümumiyyətlə, avrokuboklarda zəif-güclü rəqib axtarmaq yersizdir".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev deyib.
O, UEFA Konfrans Liqasının II mərhələsində Yunanıstan "Aris"inə rəqib olmalarını dəyərləndirib. Baxşıyevin klubun mətbuat xidmətinə bildirib ki, rəqibi özləri deyil deyil, püşk seçir: "İndiki məqamda əsas işimiz komandanı tez bir zamanda komplektləşdirmək, təlim-məşq toplanışına tam heyətlə çıxmaq və oyunlara yaxşı hazırlaşmaqdır. Rəqibi hələ analiz etməmişik. Püşk indi atıldı. Onları analiz etmək, zəif və güclü tərəflərini öyrənmək üçün zamanımız var".
Qeyd edək ki, oyunlar iyulun 24-də və 31-də keçiriləcək. Elmar Baxşıyevin komandası ilk görüşü Bakıda keçirəcək.
İdman.biz
