İdman.biz
"Komandamı qələbə münasibəti ilə təbrik edirəm. Yolumuza davam edirik. Düşünürəm ki, bu da bizim maksimumuz deyil. Oyun planında daha da artırmalıyıq".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev deyib.
Gənc mütəxəssis Misli Premyer Liqasının 12-ci turunda "Neftçi" üzərində qazanılan 1:0 hesablı qələbəni şərh edib: "Futbolda elə qanun yoxdur ki, əvəzetmədən meydana daxil olan futbolçu oyunu dəyişməlidir. Birinci hissədə zədələnən oyunçumuz oldu, Bəxtiyar Həsənalızadə. Ona uyğun da rotasiyaya getməyə məcbur qaldıq. Çünki həmin mövqedə yerli olmadığı üçün əcnəbi futbolçumuzu meydana buraxdıq. İkinci hissə birinci hissədən daha çox epizodlara girdik. Sadəcə son nöqtəni qoya bilmədik".
Qeyd edək ki, "Araz-Naxçıvan" bu qələbədən sonra 24 xalla 3-cü pillədəki mövqeyini yaxşılaşdırıb.
İdman.biz
