İdman.biz
"Maraqlı oyun alındı. Hər iki komanda meydanda hücum futbolu oynamağa çalışdı".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev deyib.
O, Azərbaycan Premyer Liqasının II turunda "Şamaxı" üzərində qazanılan 1:0 hesablı qələbəni şərh edib: "Şamaxı" yeni komanda olsa da, Ayxan müəllim hər zaman əzmkar kollektiv formalaşdıra bilir. Bunu nəzərə alıb, həftə ərzində komandanı ağır oyuna kökləmişdik. Futbolçular verilən tapşırıqları yerinə yetirməyə çalışdılar. Tədricən daha yaxşı kollektiv görəcəyik. Komanda bunun siqnalını verir ki, hücum fazasında daha yaxşı oynayaq. Futbolçuları təbrik edirəm. İlk qələbəmizdir. İstədiyimiz yerə çatmaq üçün daha çox çalışmalıyıq".
Qeyd edək ki, "Araz-Naxçıvan" ilk turda çempion "Qarabağ"a 1:4 hesabı ilə uduzmuşdu.
İdman.biz
