Sport24.az
"Maraqlı oyun idi. Hər tərəf yaxşı mübarizə apardı. Çətin olacağını bilirdik. Dörd gündən sonra Premyer Liqada oyunumuz var. Kubok qarşılaşmaları fərqli olur. İlk matçda üstünlük qazanmışıq. Cavab görüşündə də maksimumu etmək lazımdır".
Sport24.az xəbər verir ki, bu fikirləri "Araz-Naxçıvan"ın baş məşqçisi Elmar Baxşıyev "Zirə"yə qalib gəldikləri (1:0) Azərbaycan Kubokunun 1/4 final mərhələsinin ilk oyunundan sonra mətbuat konfransında deyib.
Mütəxəssis daha sonra jurnalistlərin suallarını cavablandırıb...
- Jatoba haqda fikriniz necədir?
- Bizim oyun üslubumuza uyğun futbolçudur. İlk turlarda da əsas heyət üzvü idi. Sadəcə zədəyə görə geri düşmüşdü. Hazırlaşır. Güvəndiyimiz futbolçudur. Getdikcə o da optimal formaya düşəcək.
- Ayyub Allaşı "Şerif"dən necə gətirə bildiniz?
- Hər bir futbolçu komandaya yeni güc qatır. Ayyub da tanıdığımız, güvəndiyimiz futbolçudur. Sevindirici odur ki, o da təklifimizə isti yanaşdı. Bizim üçün faydalı olacaq.
- Premyer Liqada komanda sayı 12-ə çatdırıldı və legioner limiti ləğv edilidi. Bu iki məsələ haqda fikriniz necədir?
- Bu suala yenə cavab vermək istəmirik. Qərarı verən verib. Bizim nəsə deməyimiz nəsə dəyişməyəcək. Nəyə əsaslanıb veriblər, maraq doğurur. Premyer Liqada məşqçilərin çoxu litimiin götürülməsinə qarşı idi. Amma o onu göstərir ki, bizim fikir də önəmlidir. Bizim fikri öyrənmək istəyirsə, o fikir də heç nəyi dəyişməyəcəksə, qoy cavabı bizdə qalsın.
