Report.az
Komanda Naxçıvana qayıtsa, daha yaxşı nəticələr göstərə bilər.
Bunu "Report"un yerli bürosuna açıqlamasında "Araz-Naxçıvan" komandasının baş məşqçisi Elmar Baxşıyev deyib.
Onun sözlərinə görə, komandanın üzvləri Naxçıvana səfər etməyi səbirsizliklə gözləyirdi:
"Yeni futbolçuların Naxçıvan haqqında məlumatı az idi. İndi bu yerləri öz gözləri ilə görmələri müsbət haldır. Komanda olaraq bizim üçün bütün lazımi şərait yaradılıb. Fikrimcə, komanda Naxçıvana qayıtsa, daha yaxşı nəticələr göstərə bilər.
Komanda doğma azarkeşlər önündə daha rəngarəng və motivasiyalı oynamaq qabiliyyətindədir. Bunu UEFA Konfrans Liqasında da müşahidə etdik. Futbolçular öz oyunları ilə yerli futbol azarkeşlərini hər zaman sevindirmək istəyirlər".
Qeyd edək ki, "Araz-Naxçıvan" Peşəkar Futbol Klubunun heyəti bu gün Naxçıvana səfər edib.
