Sport24.az
"Zaqatala" ilə oyun yaxşı keçdi. Rəqibimiz çox balanslı komandadır. Uzun illərdir Birinci Liqada çıxış edirlər. İlk hissəni onlar daha yaxşı keçirdilər, ikinci hissəni biz. Düşünürəm ki, oyunun ədalətli nəticəsi heç-heçə idi". Bu sözləri Sport24.az-a açıqlamasında "Baku Sporting"in baş Məşqçisi Elman Sultanov deyib.
Sultanov komandasının növbəti mövsümdə Premyer Liqada iştirakı üçün infrastrukturlarının yetərli olduğunu bildirib:
"Əlbəttə növbəti mövsümdə Premyer Liqada 12 komandanın iştirakı müsbət amildir. Bu, bizim üçün stimuldur. Çalışacayıq ki, bütün gücümüzülə turnir cədvəlində üst pilləyə qalxaq. Klub olaraq infrastruktur baxımından buna hazırıq. Amma əsas məsələ turnir cədvəlində yuxarı pillədə olmaqdır".
Təcrübəli mütəxəssis komandasının turnir cədvəlindəki mövqeyindən razı olmadığını açıqlayıb:
"Təbii ki, turnir cədvəlindəki mövqeyimizdən razı deyilik. Hansı baş məşqçi komandasının 6-cı pillədə olmasından razı ola bilər? Mən də onlar kimi razı deyiləm. Düzdür, son oyundan sonra turnir cədvəlində "Cəbrayıl"ı keçə bildik. İrəlidə görüləcək işlər çoxdur. Xallar toplayıb daha yuxarılara çıxmaq lazımdır. İnanıram ki, heyətimizə qatdığımız yeni futbolçularla bunu bacaracayıq".
Qeyd edək ki, Birinci Liqada 15 xal toplayan "Baku Sporting" klubu 6-cı pillədə qərarlaşıb.
