Sport24.az
FİFA referimiz Əliyar Ağayev Çempionlar Liqasında növbəti oyununu idarə edib. Sport24.az xəbər verir ki, o, Liqa mərhələsinin 2-ci turu çərçivəsində keçirilən "Şturm" (Avstriya) - "Brügge" (Belçika) oyununun baş hakimi olub.
Matç qonaqların 1:0 hesablı qələbəsi ilə yekunlaşıb. Oyunun gedişində həmyerlimiz meydan sahiblərinin 5, qonaqların isə 1 futbolçusunu sarı vərəqə ilə cəzalandırıb.
Qeyd edək ki, "Verterze" stadionunda keçirilən matçda Əliyar Ağayevə Zeynal Zeynalov və Akif Əmirəli kömək edib. Dördüncü hakim funksiyasını Tural Qurbanov yerinə yetirib.
