Report.az
Azərbaycanın FIFA referisi Əliyar Ağayev UEFA-dan növbəti dəfə təyinat alıb.
"Report"un məlumatına görə, o, "Kopenhagen" (Danimarka) və "Bayer 04" (Almaniya) komandaları arasında keçiriləcək Çempionlar Liqasının əsas mərhələsinin oyununu idarə edəcək.
Ona Zeynal Zeynalov və Akif Əmirəli köməklik göstərəcəklər. Dördüncü hakim funksiyasını Elçin Məsiyev yerinə yetirəcək.
Qeyd edək ki, sentyabrın 18-də təşkil olunacaq qarşılaşma Bakı vaxtı ilə saat 20:45-də start götürəcək.
