Sport24.az
"İyulun 10-dan məşqlərimizə Sumqayıtda start vermişik. Bu gündən isə hazırlıq prosesi Su İdman Sarayının qum meydançasında davam edəcək. İyulun 22-dən yenidən Sumqayıtdakı "Kapital Bank Arena"nın dönəcəyik. Bu müddət ərzində komanda əsasən fiziki təmrinlər üzərində çalışacaq". Bu sözləri Sport24.az-a açıqlamasında MOİK-in baş məşqçisi Qəzənfər Abbasov deyib.
Ötən mövsüm I Liqada üçüncü olan ordu klubu mövsümlər arası fasilədə transfer çalışmalarını da davam etdirir. "Hərbiçilər" elita təcrübəsi olan iki futbolçu ilə razılıq əldə ediblər: "Məşqlərlə yanaşı, heyəti də gücləndirməyi unutmuruq. Elşən Abdullayev və Bahadur Həziyev kimi Premyer Liqa təcrübəsi olan futbolçular komandamızın uğurları üçün çalışacaqlar. Elşənlə müqavilə bağlamışıq. Bahadur isə icarə əsasında çıxış edəcək".
Qeyd edək ki, I Liqada yeni mövsümə sentyabrın 11-də srat veriləcək.
ABDULLA İSMAYILOĞLU
