Sport24.az
"Araz Naxçıvan" turnir cədvəlində 2-ci pillədədir. Çempionatımızın liderlərindən biridir. Onlarla qarşılaşma çətin keçir. Hər iki komanda qələbə qazana bilərdi. Bərabər səviyyəli oyun getdi. Hər qazanılan xal bizim üçün önəmlidir". Bu sözləri Sport24.az-a açıqlamasında "Kəpəz"in futbolçusu Əli Səmədov Misli Premyer Liqasının 22-ci turunun "Araz Naxçıvan"la heç-heçə (0:0) etdikləri oyundan sonra deyib.
"Sarı-göylər"in vitse-prezidenti komandasının elitada qalmaq şanslarını dəyərləndirib:
"Komanda olaraq Premyer Liqada qalacağımıza inanırıq. Aşağı liqaya düşmə zonasında rəqabət güclüdür. Əlimizdən gələnin ən yaxşısını edirik və qarşıdakı turlarda edəcəyik".
O, açıqlamasında növbəti turda qarşılaşacaqları "Şamaxı" ilə oyundan gözləntilərini də açıqlayıb:
"Şamaxı" bizim əsas rəqiblərimizdəndir. Bu matçda qələbə qazanmaq niyyətindəyik. Qalib gəlib, xal fərqində önə keçmək istəyirik".
Qeyd edək ki, "Kəpəz" Premyer Liqanın XXIII turu çərçivəsində fevralın 17-də "şamaxı"nı qonaq edəcək. Oyun saat 16:00-da başlayacaq.
