Sport24.az
"Bütün matçlara olduğu kimi, "Sabah"la oyuna da ciddi hazırlaşırıq. Onlarla qarşılaşmalarımız maraqlı və gərgin keçir. İnanıram ki, bu dəfə də rəqibdən xal ala biləcəyik". Bu sözləri Sport24.az-a açıqlamasında "Kəpəz"in futbolçusu Əli Səmədov deyib.
Səmədov "Kəpəz"in Premyer Liqada qalmaq şanslarını dəyərləndirib:
"Çempionatın bitməsinə çox var. Elitada qalacağımızı əminliklə söyləmək çətindir. "Səbail"lə aramızdakı xal fərqi 5-dir və buna görə də rahatlaşmaq olmaz. Bir oyunda məğlub olsaq və "Səbail" qələbə qazansa, fərqi 2-yə düşəcək. Bu üzdən qarşıdakı bütün oyunlar bizim üçün finala bərabərdir".
Qeyd edək ki, "Sabah" - "Kəpəz" oyunu aprelin 6-sı, saat 17:00-da baş tutacaq.
