Sport24.az
"İlk turda böyükhesabla məğlub olmuşduq. "Karvan-Yevlax"la oyuna pis başlamadıq. Fərdi səhvlərdən buraxılan qollara görə məğlub oluruq. Geriyə düşəndən sonra cəhdlər göstəririk, alınmır". Bu sözləri Sport24.az-a açıqlamasında "Kəpəz"in kapitanı Əli Səmədov deyib.
Səmədov ilk iki turda az şans qazanmasına münasibət bildirib:
"Çox rahat qollar buraxırıq. Kapitan kimi meydanda və ya meydandan kənar komandamın yanındayam. Baş məşqçi hansı futbolçuya şans verməsi mənə fərq etmir. Təki "Kəpəz" uğur qazansın. Komandada hər kəslə münasibətimiz əladı. Oynasam da, oynamasam da, daxildə hər kəsə dəstək oluram. Heyətimiz demək olar, yenidən formalaşıb. Futbolçuların özünə gəlməsi, çempionata uyğunlaşması üçün zaman lazımdır. Düzdür, bu zaman çox olmamalıdır. Hər itirdiyimiz xal mövsümün sonunda bizə lazım ola bilər. Məncə, bu heyətlə daha yuxarı yerlər uğrunda mübarizə apara bilərik. Əlimizdən gələni edib yuxarı pilləyə qalxmalıyıq".
Qeyd edək ki, "Kəpəz" Misli Premyer Liqasının ikinci turunda "Karvan-Yevlax"a uduzub - 2:3.
