Sport24.az
"Zirə"nin gücünə bələd idik. Oyuna yaxşı hazırlaşmışdıq". Bu sözləri Sport24.az-a açıqlamasında "Kəpəz"in futbolçusu Əli Səmədov deyib.
27 yaşlı yarımmüdafiəçi "Zirə"yə 0:2 hesabı ilə məğlub olduqları Misli Premyer Liqasının 24-cü turunun oyunu ilə bağlı fikirlərini bölüşüb:
"Qarşılaşmanın ertələnməsi bizə təsir elədi. Buna rəğmən matçı pis keçirmədik. Sadəcə, "Zirə" daha effektiv olub qolları vurdu. Düzdür, neçə oyundur qalib gələ bilmirik, amma məğlub da olmuruq. Bir xal və ya üç xal, bizim üçün çox önəmlidir. Əlimizdən gələni edirik".
Səmədov son olaraq fevralın 28-i qarşılacaqları "Neftçi" ilə kubok oyunundan gözləntilərini açıqlayıb:
"İlk oyunda məğlub olmuşuq. Əlimizi-qolumuzu yanımıza salmayacayıq. Ağır qrafikimiz var. İnşallah, qollarımızı vurub turu keçən tərəf biz olarıq".
