Sport24.az
"Rəqibi detallı analiz etmişdik. Məqsədimiz qələbə qazanmaq idi. Təəssüf ki, alınmadı".
Bu sözləri Sport24.az-a açıqlamasında "Cəbrayıl"ın baş məşqçisi Elhad Nəziri deyib.
Gənc mütəxəssis qapılarına təyin olunan penaltinin matçın gedişinə təsir etdiyini bildirib: "Oyun startı bizim üçün yaxşı başladı. Rəqibə rahat oynamasına imkan vermirdik. Sadəcə, ilk hissənin son dəqiqəsində qapımıza təyin olunan penalti bütün planlarımızı pozdu və rəqib fasiləyə həm hesabda, həm də psixoloji cəhətdən üstün yollandı. Penalti qərarı mənə görə şübhəlidir. İkinci yarıda komanda məğlubiyyətdən qaçmaq üçün çox çalışsa da, istəyimizə nail ola bilmədik. İrəli atılmağımızdan istifafə edən rəqib son dəqidədə daha bir qol vurdu. Məğlub olmuşuq, deməli, çatışmazlıqlarımız var. Səhvlərimizi analiz edəcəyik və qarşıdakı turlarda daha yaxşı çıxış etməyə çalışacağıq".
Qeyd edək ki, I Liqanın III turu çərçivəsində "Cəbrayıl" öz meydanında "İmişli"yə 0:2 hesabı ilə məğlub olub.
