Sport24.az
"Mükafat almaq həmişə xoşdur. Vurduğum qolu "ayın qolu" seçənlərin hamısına təşəkkür edirəm". Bu sözləri Sport24.az-a açıqlamasında II Liqada "Ayın qolu" layihəsinin qalibi Elgün Abbaslı deyib.
"Füzuli"nin futbolçusu yaşananlarla bağlı sevincini bölüşüb:
"İkinci Liqada həqiqətən çox baxımlı, gözəl qollar vurulur. Bu dəfə mükafat mənim qismətim imiş. Əvvəldən qalib olacağımı bilməsəm də, vurduğum qol özümə də ləzzət etmişdi. Ən əsası isə bu qol komandama - "Füzuli"yə mühüm qələbə qazandırdı. Bu üzdən mənim üçün ikiqat dəyərlidir. Yenə deyirəm, İkinci Liqada baxımlı qollara imza atan yaxşı futbolçularımız çoxdur. Amma aprel ayı üçün yenə öz qolumu seçərdim".
Qeyd edək ki, "Füzuli" 26 turdan sonra 15 xalla turnir cədvəlinin sonuncu pilləsində qərarlaşıb. Komandanın II Liqanı tərk edəcəyi dəqiqləşib
