Idman.biz
"Hədəfimiz çempionluqdur, buna uyğun heyət formalaşdırmışıq".
Bu sözləri futbolinfo.az saytına açıqlamasında I Liqa təmsilçisi "Şəfa"nın baş məşqçisi Elgiz Kərəmli deyib.
Mütəxəssis komandasının beş turdan sonra 15 xalla birinci pillədə qərarlaşmasından danışıb:
"Hər liqanın səviyyəsi ildən-ilə daha da artır. Həm klubların maddi durumu yaxşılaşıb, həm də Premyer Liqadan bir çox futbolçu I Liqaya transfer olunub. Bu amillər klubların güclənməsinə səbəb olub. Heyətlə bağlı problemimiz yoxdur, hər mövqedə iki keyfiyyətli futbolçumuz var. Nəinki "Səbail", digər klublarla da oyunlar çətin keçir. Buna görə hər bir rəqibə hörmətlə yanaşırıq və oyunlara çox ciddi hazırlaşırıq".
Xatırladaq ki, I Liqanın əsas iddialıları olan "Şəfa" ilə "Səbail" növbəti turda üz-üzə gələcək. Liderə qonaq olacaq Bayıl təmsilçisi 13 xalla ikinci pillədədir.
