Sport24.az
"Matç həmişəki kimi gərgin tempdə keçdi. "Şəmkir" həm yaxşı futbol oynayır, həm də meydanda döyüşgənliyi ilə seçilir". Bu sözləri Sport24.az-a açıqlamasında "Xankəndi"nin futbolçusu Ələkbər Şəbiyev deyib.
II Liqanın debütantı İkinci Liqanın 7-ci turunda "Şəmkir"i çətinliklə də olsa (2:1), yenməyi bacarıb:
"İlk hissədə istədiyimiz alınmırdı, hücumlarımız yaxşı deyildi. Mərkəzə qədər gəlirdik, bundan sonra isə hücumlarımızı inkişaf etdirə bilmirdik. Rəqib də bizdən üstün deyildi. Yaxşı ki, ikinci yarıda toparlana bildik. Qollardan birini penaltidən vurduq və sonda qələbə qazandıq. İlk turdan sona qədər hədəfimiz birdir - çempionluq. Rəqiblərimiz dəyişir, bizə fərq etmir. Bütün komandalara eyni gözlə baxırıq. Meydana ancaq 3 xal üçün çıxırıq".
Qeyd edək ki, 9 turdan sonra aktivində 18 xal olan "Xankəndi" "Qaradağ Lökbatanla" zirvəni bölüşür. Əlavə göstəricilərə görə "Xankədi" birinci yerdədir.
