Sport24.az
"Araz-Naxçıvan"nın icraçı direktoru Eldəniz Yusubov Sport24.az-a müsahibə verib.
- Mövsümün birinci dövrəsini komanda üçün necə dəyərləndirirsiniz?
- Düşünürəm ki, ümumilikdə dəyərləndirmə tezdir. İlk dövrə üçün komanda liderlər qrupundadı. Turnir cədvəlində rəqiblərlə aramızdakı xal fərqi böyük deyil. Ona görə də, çıxışımızı normal qiymətləndirmək olar.
- 11 oyun, 19 xal. Daha çox olmağı üçün nə çatmadı?
- Təbii ki, çox ola bilərdi. Hamı istəyər ki, birinci dövrəni minimum xal itkisi ilə başa çatdırsın. Çempionatımız güclənib. Rəqiblərimizin ən azı 6-sı avrokuboklar uğrunda mübarizə aparır. 11 oyuna 19 xal yığmamız səbəbsiz deyil.
- Mövsümün əvvəlində komandanın qarşısına hansı hədəf qoyulub?
- Komandanın hədəfi dəyişməz olaraq qalır. Ən azı mükafatçılar sırasında olub, avrokuboklara yollanmaq istəyirik.
- Cari mövsümdə legioner limiti ləğv olunub. Çempionatda hansısa dəyişiklik hiss edirsiz?
- Çempionatın 1/3 hissəsi geridə qalıb. Bunu dəyərləndirmək üçün zamana ehtiyac var. Legionerin sayı artıb, komandalar daha çox xarici futbolçularə üstünlük verir. Səviyyəli legionerlər var.
- Komandanın yaxın vaxttlarda ev oyunlarını Naxçıvanda keçirməyi real görünür?
- Bu yaxınlarda işlərin başlamasını gözləyirik. Ev oyunlarımızı Naxçıvanda keçirməyimiz ən azı növbəti mövsümə qədər uzanacaq. Ola bilər başqa qərarlar olsun, amma təmir işlərinə start verilməyib deyə, təxmini vaxt deyə bilmirik. Məncə, bütün işlər uğurla yekunlaşsa, növbəti mövsüm komandanı Naxçıvanda görə bilərik.
