Sport24.az
"Xorvatiya klubunun heyətində təcrübəli futbolçular var". Bu sözləri Sport24.az-a açıqlamasında "Zirə"nin futbolçusu Eldar Quliyev deyib.
23 yaşlı yarımmüdafiəçi UEFA Konfrans Liqasının II təsnifat mərhələsində "Hayduk" komandasına qarşı keçirəcəkləri oyunlarla bağlı fikirlərini bölüşüb:
"Çox yaxşı rəqibdir. Bizi maraqlı və gərgin iki matç gözləyir. Bu, futboldur. Şansların bərabər olduğunu düşünürəm".
Quliyev növbəti raunda vəsiqə qazanmaq ehtimalı barərə də danışıb:
"Məncə, bu mərhələni keçə bilərik. Həmin qarşılaşmalara yaxşı hazırlaşmalıyıq. Hər iki görüşdə mütləq əlimizdən gələnin ən yaxşısını etməliyik".
Qeyd edək ki, UEFA Konfrans Liqasının II təsnifat mərhələsinin oyunları iyulun 24-ü və 31-də keçiriləcək.
