Sport24.az
"Şerif"lə hər iki oyunda sona qədər mübarizə apardıq. Rəqibdən qorxmadıq. Xoşbəxtliyi moldovalıların qapısı önündə axtardıq. Təəssüf ki, qırmızı vərəqə almağımız bütün planlarımızı pozdu". Bu sözləri Sport24.az-a açıqlasında "Zirə"in futbolçusu Eldar Quliyev deyib.
22 yaşlı yarımmüdafiəçi bir saata yaxın azlıqda qalmalarına baxmayaraq, son saniyəyə kimi mübarizə apardıqlarını, "lotoreya"da bəxtlərinin gətirmədiklərini vurğulayıb: "Qırmızı vərəqə aldıqdan sonra da təslim olmadıq. Çalışdıq ki, rəqibə boşluq verməyək. Hesabı dəyişmək imkanlarımız da oldu. Zərbəmizin biri tirdən qayıtdı. Digər epizodlarda isə son nöqtəni qoya bilmədik. Penaltilər seriyası isə "lotoreya"dı. Burda kimin qalib gələcəyi bilinmir. Reallıq odur ki, penaltilər seriyasında uduzduq".
Qəsəbə təmsilçisinin "6 nömrə"si Konfrans Liqasında davam etmələri haqqında da danışdı: "Avropa Liqasından erkən vidalaşdıq. Amça çalışacağıq ki, Konfrans Liqasında uğurla çıxış edək. Məqsədimiz turnirin qrup mərhələsinə düşməkdi".
