Sport24.az
"Həm həyatda, həm də futbolda daim əziyyət çəkməlisən ki, bəhrəsini görəsən. Həyatın finalı keçirdiyin ömrün nəticəsi, futbolda isə tablodakı rəqəmlərdi. Bu gün "Zirə"nin meydanında qalib gəldiyimiz üçün sevinirik. Ümidvarıq ki, qarşıdakı oyunlarda da uğurlu nəticələr əldə edəcəyik". Bu sözləri Sport24.az-a açıqlamasında "Şamaxı"ının İdarə heyətinin sədri Elçin Usub deyib.
Klub rəhbəri sponsor axtarışlarının davam etdirdikləri barədə də danışdı: "Sponsorsuz davam etsək də, burda sağlam, rəqabətli mühit yaratmışıq və əlimizdən gəldiyi qədər inkişafa nail olmaq istəyirik. Təbii ki, maliyyə dəstəyimiz olsa, daha çox irəliləyə, tərəqqi edə bilərik. FİF ilə AFFA-ın yeni rəhbərliyi sponsor axtarışında bizə kömək edirlər. Hər iki quruma dərin təşəkkürümü bildirirəm. Amma reallıq odur ki, maliyyə dəstəyinin reallaşması FİF ilə AFFA-ın səlahiyyətlərini aşır. Onlar yalnı axtarış, tanışlıq, əməkdaşlıq görüşləri çərçivəsində nəsə edə bilər. Futbolun özünəxas ekosistemi var. Futbol iş adamları üçün maraqlı olmalıdı, idmanın "şah"ına marketinq baxımından yanaşmaqda israrlı olmalıdılar. Hələlik bu məsələdə bəxtimiz gətirmir. Amma ümidliyik ki, şans bizim də qapımızı döyəcək və sponsor dəstəyi alacağıq. Bu gün isə səbr edib, başımızı aşağı salıb, işimizi görürük".
Qeyd edək ki, "Şamaxı" Premyer Liqanın IV turu çərçivəsində səfərdə "Zirə"ni məğlub edib - 1:0
ABDULLA İSMAYILOĞLU
